طمنوا ستي أم عطا…..قصيدة باللهجة الفلسطينية لتميم البرغوثي

قصيدة رائعة باللهجة الفلسطينية للشاعر المخضرم ، شاعر المليون: تميم برغوثي

طمنوا ستي ام عطا بإنه القضـية من زمان المندوب وهي زي ما هية

لسـة بنفاصل القنـاصل علـيها زي ما بتفـاصلي ع الملوخـية

لكـن اطمـني وصـلنا معاهم بين ستة وستة ونص في الميـة

بطلـع لهم يا ستي حيـفا ويـافا ولنا خرفيش وسيسـعة بـرية

ولنا دولة يحرسـها طير السـنونو يا ام عطا ولبسوه رتب عسكرية

والسنونـو إله نمو اقتصـادي والسنونـو إلـه خطط أمنـية

والسنونـو عم ينبذ العنف ويعلن إلتزامـه الكـامل بالاتفــاقية

ولنا برضه يا سـتي سجـادة حمرا تالسنونـو يأدي عليها التحـية

والنـا قمة يدعـو إليها السنـونو يعقدوها في الجامـعة العربيـة

حيـوا برج الحمام وحيوا حمامه من ملوك المحبـة والأخــوية

يا حمـام البـروج ويا مواليـنا يا دوا الجـرح ويا شـفا البردية

يا شـداد الخطـر على أعـادينا وحبكو إلنا حب قيـس للعامرية

راح أقول اللي قالوا طوقان قبلي أخو فدوى وبن الأصول الزكية

في يـدينـا بقيـة من بـلادٍ فاستريحوا كي لا تضيــع البقية

قي حال رغبتكم بسماعها بعد قراءتها يمكنكم مشاهدة الفيديو التالي

مشكور

» قصيدة في القدس لامير الشعراء تميم البرغوثي
» الشاعر تميم البرغوثي قالوا لي بتحب مصر
» الشاعر تميم البرغوثي حديث الكساء
» الشاعر تميم البرغوثي عجل على سيارة العسكر
» الشاعر تميم البرغوثي عجل على سيارة العسكر