قصة تامر والمخيم حلقات

نبلش القصة



عبد الدفش : وين رايح يا فرفور
تامر : ما بعرف
عبد الدفش : له له , مالك شو اللي مظايقك
تامر : معلش عمو ممكن تتركني بحالي
عبد الدفش : لا وحياة من جمعنا من غير معاد ما انا تاركك احكيلي , شو في
تامر : عمو بلييييز يعني خلص هلأ بنزل من التاكسي
عبد الدفش : انا كنت بدي اساعدك مش اكثر
تامر : بشو بتقدر تساعدني , ممكن ترجعلي الجيرل فريند تبعتي , ويلا ممكن تئنع بابا يشتريلي الرنج سبورت , سوري بس ما فيك تعمل اشي
عبد الدفش : جيرل فرند يعني موزة قصدك هي سهلة انت حكيلي مين زبطها وانابخربطله خلقتو
تامر : تيب انت عندك اكاونت على الفيس بوك ؟
عبد : بلشنا تطعيم (تطعيم يعني التعكيم في الحكي), شو اكاونت وما اكاونت
تامر : شو تتعيم هو احنا مريدين لا سمح الله انا ئصدي عشان تعرف مين الي سرء الجيرل فرند مني لازم تشوفو على الفيس بوك .
عبد : انت قولي بأي حارة ساكن وما عليك بالباقي
تامر : يا عمو شو حارة وما حارة , هيدا يلي اخدها مني ساكن بفلوريدا
عبد : يا اخي سامع فيها هي , هايً منً المناطقً الرآقيةً اليً عنا هون صووح ؟


تامر : هههههههه لا عمو , انا ئصدي عن فلوريدا الي في usa




عبد : يستر على ولاياك احنا مش قد امريكا احنايا دوب على قد المخيم .






تامر : واو انت ساكن بمخيم ؟؟



عبد : اه وليش مستغرب
تامر : عمو بلييز بلييز ازا بدك تساعدني خدني هناك , من زمان وانا بسمع عنو ونفسي اروح عليه
نفسي اوخد صور وانزلهم على الفيس بوك . رح تكون رحلة كتير نايس , بلييز عمو خدني هناك
عبد : لا شو اوخذك وما اوخذك , بخاف عليك انا (ههههه معاه حق عبد لانوا المخيم يعتبر مقبرة الي زي اشكال تامر ،عكس المناطق الراقيةً )
تامر : ازا ما بدك توخدني بنزل وبوخد تاكسي تاني وبئولو يوخدني
عبد: امري للـ الله , بس اسمع مليش دخل انابنزلك هناك ومنك لحالك اتصرف
تامر : اوكي
عبد : هينا وصلنا , اسمع هالنصيحة من اخوك الدفش , ما تطلع على اي بني ادم وخليك ماشي بحالك , وخد هي رقم تلفوني لما بدك تروح , هاد اذا روحت
تامر : مرسي كتير عمو دفش



>>>>






يتبع في الحلقة الثانية .

الحلقةً الثآإآنيةً ~ .
.
.

وصل تامر المخيم
بينزل تامر وبيبلش يتمشى بالمخيم , وبلاقي بسطة ابو العبد للقهوة السريعه , وبيروح عليها
تامر : مرحبا عمو ممكن تعتيني هوت شوكلت ويذ اوت شوجر
ابو العبد : نعم حبيبي , شو يلي حكيتو , هون قهوة مش صيدلية
تامر : يس اي نو , عشان هيك عم ئولك بدي هوت شوكليت .
ابو العبد : اللهم جيبك يا طولة البال يا حبيبي صلي عالنبي , هون مفيش غير قهوة وشاي وبالشتا بعمل سحلب .
تامر : اوكي فهمت عليك . خلص ازا هيك بدي من هاد يلي ئلت عنو اخر اشي , سحلب .
ابو العبد : مش هسع , كمان شهرين بس تبرد الدنيا بنزلو , ارجعلي بعد شهرين ومن عيوني
تامر : تيب خلص اعتيني جرين تي .
ابو العبد : شكلك مش مصلي عالنبي , بقولك فش عندي غير قهوة وشاي , عجبك تشرب عجبك ما عجبك ورجيني جمال خطوتك
تامر : منا ئولتلك بدي جرين تي , يعني شاي اخضر .
ابو العبد : قول شاي اخضر . هي احلى كاسة شاي بالنعنع وروح على المكتبة لونها
تامر : تيب عمو ما في عندك تاولة او كراسي وين بدي أئعد انا
ابو العبد : نعم يا روح امك شايف الدرج اللي هناك بتروح هناك وبتقعد
تامر : اوك عمو مرسي كتير الك
ابو العبد : تعال كل يوم

وبيروح تامر على الدرج يقعد







وبعدين
^
^
^ يتبـــــ>ــــــــ>ـــــ>ــع الحلقة 3

ليش ما في تفاعل؟؟

الحلقة 3

بعد ما قعد تامر ع الدرج
بنزلة محمود الحنش من باب دارهم يلي جاي على الدرج وبيطلع بتامر بنص عين
محمود الحنش : شو بتسوي هون
تامر : عم بشرب جرين تي . في شي
محمود الحنش : قاعد على باب دارنا شو بتسوي
تامر : هداك عمو تبع الئهوة حكالي أئعد هون
محمود الحنش : قصدك ابو العبد . شكلك مش من المخيم , شو جاي تسوي هون
تامر : انا من المدينة . وجاي اعمل لوك على المخيم لاني كتير عم بسمع عنو
محمود : هلا والله بأهل المدينة وما اطلعت , دقيقة بس اجيب كاسة قهوة وراجعلك

محمود : ابو العبد هات كاسة قهوة عالريحة واغليها كويس
ابو العبد : على راسي حنش

محمود : اه صحيح , من وين هالصيدة هظاك يلي قاعد عالدرج ؟
ابو العبد : يا زلمة شو بيعرفني شكلو مش من هون وشكلو تايه . يستر على ولاياك مش ناقصنا مصايب بالمخيم
محمود : له ابو العبد شو بتحكي انت , خليني اروح اشوف شو قصته , سلام
محمود : اه حبيبي ما قلتلي شو بتسوي هان في المخيم ؟

تامر : ولا شي , عندي شوية بروبليم بحياتي وزي ما تئول تلعت من البيت ومو عارف شو بدي ساوي .

محمود : بتذكر بروبليم ايام المدرسة معناها مشكلة , وشو هالمشاكل يلي خلتك تترك الدار .


تامر : حب حياتي كاتيا تركتني بابا مو ئابل يجيبلي x5 , ومو عارف حاسس حالي مخنوء ونفسي اتغير
محمود : ( يلعن ابوك بتسمي هي مشاكل ) طيب حبيبي وشو دخل مشاكلك بجيتك على المخيم ؟؟؟



تامر : ما بعرف شو خلاني اجي هون بس لاني بسمع عنو كتير انو الحياة هون كتير دفرنت وحبيت اشوف بعيني

محمود : ( هاد اذا ضل الك عيون ) انت شو اسمك وشو بتعمل بحياتك ؟



تامر : اسمي تامر وبيدلعوني رفئاتي تمورة وبئضي وئتي على النت وانت شو اسمك ؟

محمود : هلا والله بتامر انا اسمي محمود الحنش وصحيح النت هاظ بيجيب كل اشي .
تامر : ولكم ميدو , ايه النت بيجيب كل شي , بس كرهتو من بعد ما تركتني كاتيا

محمود : مين ميدو هادا, لتكون بتدلعني , انا اسم دلعي ايام وانا صغير كان ابو راس.

بيمرق اصحاب محمود وهمة عوض الاخرس و ابراهيم البس
وبيحكووولهم
*
*
*
*

يتبعً فيً الحلقةً القأآدمةً ~

الحلقة 4

بعد مآ مرقوآ صحاب الحنش وهمي ابراهيم البس
وعوض الاخرسً ْ~

ابراهيم البس : شو يا حنش بدناش نطلع نسكر ؟



محمود : اه يلا وبنوخذ تامر معانا , بعرّفك يا تامر عوض الاخرس وابراهيم البس من جدعان المخيم وشباب على كيف كيفك وبدنا نروح نسكر فبتروح معنا



تامر : واو بدنا نعمل اشي شرير انا موافئ



ابراهيم البس : حنش بدي اياك كلمتين جنابي

محمود : اه بس شو في ؟


ابراهيم البس : ولك مين هاظ يلي بدك تجيبو معنا شكلو طنطولك بدك تفظحنا وتجيب النا الشبهة انت

محمود : ولك هاظ صيدة ومش عارف وين الله حاطه وشكلو ابن ناس ومعو مصاري خلينا نتسلبط عليه ونسكر على حسابه

البس : اها مش غلط يا كبير


بيقومو الشباب وبيتوجهو عند ابو الياس عشان يجيبو سكرتهم .


محمود : ييييينسيت محفظتي في الدار , حاسب انت يا بس وبعطيك بس نروح

البس : من وينلي انا , معيش ولا وتكة .
تامر : نو بروبليم شباب انا معي , عمو بتقبل كريدت كارد ؟



ابو الياس : هي بتسخدمها لما تكون في داركمحبيبي هون بس كاش .

\
تامر : سوري ئديش بيطلعو تيب .

\ابو الياس : 100 شيكل .



تامر : بس , انا فكرت رح يتلعو اكتر عشان هيك ئولتلك كريدت , تفدل عمو



وبتتوجه الشباب وبيوخدلوهم زاوية وبيقعدو , وبيبلش البس يصب ويوزع .



محمود : جربت المشروب قبل هيك يا تامر؟

تامر : نو هي اول مرة .


محمود : ( حلو كثــير ) هاظ مشروب محلي , بنسميه مشروب الابطال , عشانه بيخليك بطل زي سوبر ماركت

تامر : نايس كتير وانا بدي اسير بتل الابتال

البس : (علي الطلاق الا اخليك بطل الابطال وتصير تتشعبط على السور زي الرجل الشعشبون )


صب البس اربع كاسات ومسك كل واحد كاسه وبايده .



رفع الحنش الكاس وقال : يلا بصحتكم شباب .

تامر : , وحط الكاسه على تمو ويا دوب شرب شوي ونزلها وحكا :يع شو هاد تعمو مش زاكي .

البس : نعم يما , بتفكرنا جايبين عصير فراولة اقلب كاسك على طول عشان ما تحس فيه , المهم الشعور والمفعول .



وبيقلب تامر الكاس وبيصير يتحرقص زي الحية , وبيضحك عوض الاخرس


محمود : معلش شوي شوي بتتعود عليه واهم اشي المفعول .


تامر : تعمو مو زاكي وبيحرء كتير

البس : معلش خذ كمان كاس عشان ما تحس

وبيقلب تامر الكاس الثاني وبيتحقرص زي اول , وبيستمر عوض بالضحك

تامر : شو هااااد كتير بيحرء , ليش هاد بيضحك بس , وبيأشر على عوض .



عوض : ابا ابا ابا .


تامر : يا حرام هاد ما بيحكي

محمود : صحيح ما بيحكي بس بيعجبك بالطوش

البس : اه تامر بشو حاسس ؟

تامر : ولا شي

البس : طب خوذ كمان كاس


وبيقلب تامر كمان كاس .


محمود : ولك يا بس خف شوي عالشب هلكتو


البس : لا بيعجبك تامر بالشرب , بيشرب المحيط ولا بيهمه


تامر : مزبوت اه انا بشرب وما بيهمني , هات كمان كاس يا بس


.
.
.
.
.
.











>>>>
يتبع الحلقة 5

الحلقة 5


وبيقلب تامر الكاس


البس : محموووووود شوف مين جاي من بعيد

محمود : ولك هاظ ابو عريضة , يا رب ما يجي يقعد معنا

تامر : مين هاد ابو عريدة ؟؟

البس : لا سلامتك هاظ ابوعريضة غير معروف الاسم الاول لانو من هو وصغير
بينادوه ابوعريضة حتى امه وابوه بينادوه ابوعريضة
وسبب التسمية زي منتا شايف من على بعد 2 كم .


تامر : هئ تيب ليه يعني ما بدكم اياه يئعد معكم هئ .(هئ علامات السكرة هئ )


الحنش : قال ليش قال , هاظ يا سيدي ابو عريضة اول من لقب بازعر بالمخيم اذا ما كان بالعالم
وطبعا لغاية الان ما حدا شافه بيستخدم اي اداة حادة في الطوش , يا زلمة مرة اجو على المخيم 5 زعران من المخيم الي جمبنا وبدهم يفردو مراجلهم
طبعا كان معهم مشارط ودبسات وجنازير , وكان ابو عريضة قاعد على باب بيتهم : الا واحد من هالدواوين بيحكي (الزعيم الكلب هون )
طبعا ابو عريضة كان في وضعية جلوس فكان منظره طبيعي بس قام ابو عريضة بين منظره الحقيقي . ويمسك الشب من بلوزته ويرفعه على مستوى نظره
واطلع فيه نظرة خلت لونه يتغير. ورفعه فوق ورماه على الحيط . الشباب شافت المنظر رمت الاسلحة يلي بايديها وحكولو احنا معاك يا كبير




تامر : وااااااااو , هئ هاد كتير ئوي , لازم اتعرف عليه هئ



البس : هيو جاي علينا قومو وقفوا


كل الشباب قامت وقفت احتراما لابو عريضة الا تامر عشان السكرة اشتغلت


الحنش : هلا والله بالكبير , على راسي معلم

البس : هلا بكبيرنا وتاج راسنا


الحنش بيوشوش تامر : ولك قوم هاظ ابو عريضة



تامر : هئ وشو يعني ابو عريدة هئ


ابو عريضة : اهليين بالشباب , وانت ولا ليش ما قمت وقفت ويلا مش شايفني يعني


محمود : له يا كبير ما عاش ولا كان , بس هو مش من هون واول مرة بيسكر


ابو عريضة : ان شالله جاي من المريخ بدو يقوم غصبن عنو


وبيمسك ابو عريضة تامر من رقبته وبيوقفه وبيحكيلو: خليك واقف طول منا قاعد




تامر : ( بلش مشروب الابطال يشتغل ) لاااااااااااا انا حر بوئف وئت ما بدي هئ


البس والحنش بصوت واحد : رحمة الله عليك يا تامر


ابو عريضة : شو ولا شاربلي بالغطاي وجاي تفردلي مراجلك هون , وحياة من جمعنا الا اعلمك كيف تحكي معي , وخووووووووووود


وضرب ابو عريضة تامر موس كباس 3 انجوم بوجهه . لكن ردة فعل تامر كانت مفاجئة تناول قنينة المشروب من على الارض وسلخه براس ابو عريضة . اغمي على ابو عريضة .


كانت الصدمة كبيرةعلى وجوه كل من الحنش والبس والاخرس .


الاخرس : ابا ابا ابا


الحنش : ولك شو عملت انت والله لتودينا في داهية





تامر : هئ شو عملت انا هئ


البس : اسمع يا حنش انا مليش دخل بالموضوع يا روح ما بعدك روح , وشلف البس


الحنش : يا حوينة شبابك يا تامر , يا حوينة شبابك يا حنش اسمع تعال نشلف بعيد يلاااااا
تامر : شو يعني نشلف هئ



الحنش : يعني يلا نهرب من هون , يلاااااااااا

*
*
*



يتبع الحلقة 6

الحلقة 6

بعد ما هربوا اخدو تامر معهم ع الحوش
الحنش : ادخل اقعد هون بالحوش لبين ما اجيب قنينة مي اصحيك فيها



تامر : هئ تيب



بعد المي بيصحصح تامر


حنش : ولك شو اللي سويته بابوعريضة انت


تامر : مش متزكر اشي


حنش : ولك ضربته بقنينة المشروب بعد ما ضربك موس بوجهك


تامر : وجهي مالو , اخ يا مامي شو هاد يلي بوجهي


حنش : لا بسيطة مش كبيرة كتير , بس انت ضربته على راسه واغمى عليه . يا خوفي مات ابو عريضة . انا السبب ليش اخليك تشرب


تامر : تيب شو نعمل هلأ


حنش : والله مني عارف انا كتير خايف ومش عارف وين اوديك , خلص بتنام عندي هون وبكرا بيحلها الف حلال .





تامر : اوكي . بس انا بنام على التخت وانت بتنام على الارد

حنش : تخت منتا قاعد في داركو . ولك لتكون بتفكر في الي غرفة انا

هسا بجيب فرشتين وبنام هون بالحوش

تامر : بلا شو بدك ياني نام هون

حنش : هسا بخبطك موس عالجهة الثانية مش عاجبك اغليها من هون


تامر : خلس اوك .



ونامو التنين في الحوش وفي صباح اليوم التالي أفاق تامر على صوت خبط الباب الخارجي , عمل حاله نايم وانتظر ليرى من خلف الباب

اتت فتحية اخت الحنش لتفتح الباب , فتحت الباب لتجد صديقتها لبنى تستعجلها للذهاب الى المدرسة



تامر ينظر بخلسة من تحت الحرام فيجد ملاكا يقف عند الباب , خطفت قلبه وهزت كيانه بجمالها

ذهبت فتحية مع صديقتها للمدرسة , وما تزال صورة لبنى لا تفارق مخيلة تامر

ام الحنش :قوم يا مسخمط بيكفيك نوم , قوم جيب حمص وفلافل

هكذا قالت ام محمود لابنها وهو نائم , تامر خائف جدا

تامر : لك محمود ئوم رد على إمك

محمود : طيب هيني قايم


تامر : يلا انا جوعان وبدي افتر


محمود : قمنا قمنا , بدي افوت اجيب الصحن وراجع


تامر : تيب ممكن افوت على الحمام بدي غسل وجهي وأحت جل

محمود : هي عندك البربيش غسل منه

تامر : شو بربيش بدي حمام انا

محمود : هسا بعلمه على جنابك , دبر حالك

تامر : ياااااا شو هاد تيب تيب روح انت



بيدبر حاله تامر وبيطلع هو ومحمود يجيبو فطور


محمود : ما تحكي ولا كلمة لما نفوت عالبيت بلاش امي تشك في اشي


تامر : تيب


ام محمود : مين النضوة اللي معاك

محمود : هاظ صاحبي

تامر : انا تامر وانا رفيئو لمحمود

ام محمود : هو انا ناقصني همل في الدار: , جايبلي صاحبك الهامل ينام عنا , يلعن ابوك ابن ــــــــــــ


محمود : هوووووو يما هيني طالع وسايبلك الدار لحالك, قوم يا تامر نطلع نشرب قهوة من عند ابو العبد


تامر : اوك مرسي خالتو على الفتور باي



وبيطلع محمود وتامر على ابو العبد


محمود : صباح الخير ابو العبد


ابو العبد : هلا محمود صباح النور , بشوف لسا الشب معاك


محمود : اه والله , شو بدي اقول ابوالعبد , ما شفت ابو عريضة بالمنطقة



ابو العبد : لا والله لسا ما شفته , شوي وبيجي يشرب قهوة كالعادة



محمود : طيب كويس هات كاستين قهوة سادة .



تامر : مرحبا عمو , انا حتلي على كاستي سكر



وبيروح محمود وتامر بيقعدو على الدرج



تامر : شو بدنا ندلنا ئاعدين هيك , انا زهئت


محمود : هلأ بيروحو بنات المدارس وبنطقس شوي عليهم بتتسلى



تامر : تيب , محمود انا حبيتك وبعتبرك صديئ الي , بدي احكيلك اشي



محمود : على راسي والله , احكي شو ما بدك




تامر : انا شفت بنت هون بالمخيم وحبيتها كتير وبدي اتعرف عليها



محمود : طيب هسا بس يروحو بتقولي اي وحدة .


تامر : اوك


بيروحو بنات المدارس وبتظهر لبنى من بعيد , وبيشوفها تامر



تامر : اه يا ئلبي , هيها يا محمود




محمود : اي وحدة فيهم , كثار هدول



تامر : هناك عند السور



محمود : ولااااااااااا ليكون قصدك عن اختي, وبيمسك تامر من بلوزته وبدو يناولو البكس




تامر : لا لا التانية يلي بجمبها



اطلع محمود عند السور


محمود : الله يخرب بيتك ما لقيت غير هي , والله لتجيبلنا الداهية انت , يلعن ابو اليوم اللي شفتك فيه



تامر : شو مالك محمود



محمود : ولك هي لبنى اخت ابو عريضة


*

*




يتبع الحلقة الاخيرة

الحلقة 7

بعد ما عرف تامر انها اخت ابوعريضة

تامر : ايه وشو فيها , انا حبيتها من كل ئلبي



محمود : اسمع علييي جاي , انا طول عمري عايش هون والي سمعتي بالمخيم , مش ناقصني يصيرلي اشي من تحت راسك



تامر : شو يعني افهم من كلامك



محمود : يعني غيب خلي الشمس تطلع وفارقنا بريحة حلوة


تامر : تيب سلام يا صديئي


محمود : صديق الغبرة , كان يوم كحلي يوم ما شفتك


ويذهب محمود لبيت ابو عريضة للاطمئنان على وضعه




محمود : مرحبا خالتي , ابو عريضة موجود




الخالة : هيو بتفرج على التلفزيون , ولك يا مسخمط :قوم رد على الحنش هيو برا




ابو عريضة : ميييييييين , الحنش هيني جاااي , امسكيه يما لا تخليه يهرب



الحنش :



الخالة : الله يوخذكم الثنين ويريحنا منكم , انا فايتة اكمل طبيخ




والحنش : والله ما دخلني انا يا حصتي




ابو عريضة : ولك يا واطي , بتترك واحد قد فلتر السيجارة يضربني وبتشرد انت واياه , والله لاخليك عبرة لمن لا يعتبر بالمخيم وهي هدية صغيرة




ويسلخ ابو عريضة محمود موس على رقبته




الحنش : له يا كبيربتضربني موس برقبتي , ما حبيتها منك




ابو عريضة : حبك حنش ان شالله , وينو هظاك الواااطي


الحنش : منا مشان هيك جاي عليك , وعرظ اختي يا حصتي اني ما برظالك اياها




ابو عريضة : شو في ولا , احكي بلاش اكمل عليك




الحنش : هاظ الطنط بيحب اختك , وبدو يتعرف عليها




ابو عريضة : شو بتقول انت , والله لأربي فيه المخيم ابن الذينا




ويخرج ابو عريضة والحنش للبحث عن تامر , في هذه الاثناء يكون تامر يلاحق بلبنى عشان يتعرف عليها


تامر : ممكن احكيلك اشي بس , انا بحبك والله


لبنى : حل عني ولا

تامر : ليش انتي ئاسية , والله بحبك وبدي اياكي

لبنى : اذا ما بتمشي من هون بفرجي عليك المخيم كله
تامر : انا ساكن في المدينة , ورح اوخدك معي نعيش هناك

لبنى : من المدينة , مممممممم شو اسمك انت
تامر : اسمي تامر وبيدلعوني تمورة

لبنى : طيب وشو بدك مني يا تامر , يعني بدك تتجوزني

تامر : واي نوت , تعالي اعزمك على كوفي شوب بعيد من هون

لبنى : ما بقدر اطلع مكان

تامر ( ويمسك بيدها ) : انتي تعالي وما تخافي

لبنى : لا بخاف

ويظهر ابو عريضة من بعيد وبيشوف تامر ماسك ايد اخته

ابو عريضة : ولك ااااااااااااااخ , شرفي ياوااطي


لبنى : يييييي , اخوي

تامر : شو يعني , حبنا ائوى من كل شي

يتقدم ابو عريضة من تامر وبيناولو بكس بنص صباحه وبيتناوله من على الارض وبيحطه على السور

تامر : عمو تيب خليني احكيلك اشي

ابو عريضة : ولك شو بدك تحكي , عمرك خلص

تامر : عمري كله فداها

لبنى : انا والله ما دخلني هو يلي مسك ايدي غصبن عني

ابو عريضة : انقلعي عالدار انتي حسابك بعدين

تامر : انا وهي بنحب بعض , ليه تحرم ئلوب من بعض


ابو عريضة : اتشاهد ولا

تامر : يا عمو اسمعني بس , انا رح اعيشها احسن عيشة , ورح ادل مخلص الها تول العمر , بس انت وافئ


الحنش : يا صاحبي هاظ بيتخوث علينا مفكر بنات المخيم لعبة بايديه

تامر : انت اخرس ولا مش مسدئني تفووو عليك شو انك غداار


ابو عريضة : روح ولا حنش جيبلي مشروب الابطال عالسريع

الحنش : ركاظ يا كبير



تامر : عمو بلييز لأ لأ لأ


ابو عريضة : سلم على سيدك وستك


ويطعن ابو عريضة تامر في قلبه ويتركه ينزف على الرصيف




تامر : لبــــنــااااااااااااا





مات بطلنا المغوار تامر , وانحبس ابو عريضة , ولبنى اتجوزها الحنش

الـــــــنـــــــــــــــــــــهــــــــــــــــــــــــــايــــــــــــــــــــة

هههه مشكور